DÜNYA TARİXİNƏ TÜRKLƏRİN VERDİYİ İLKLƏR

 Dünyanın ilk kilsəsi türklərin adı ilə bağlıdır. Nə qədər qəribə görünsə də bu ilk məhz Antakya da yerləşir. Bu kilsə dünyanın ilk mağara kilsəsidir. Xristianlıq -Katolik, Proaslav kimi məzhəblərə ayrılmadan öncə mövcud olan kilsədir. Antakyada Reyhanlı yolu üzərində, Habib-ün Neccar dağı ətəyində yerləşir. St.Pierre adlanan bu kilsə öncədən təbii mağara olub və sonradan kilsəyə çevrilib.

Həmçinin tarixdə ilk dəfə Hz.İsanın dinini tanıyanlar burada “Xristiyan” adını alıblar. Buna görədə bu kilsə bir çox turistin diqqətini cəlb edir. Kilsə xristianlar üçün olduqca maraqlı dini mərkəzdi. 1963-cü ildə Papa VI.Paul tərəfindən ziyatət yeri olaraq elan edilib. O zamandan bu kilsə katoliklərin ən məşhur ziyarət yeridir. Hər il 29 İyun  burada mərasim təşkil edilir.  Papa ilin istənilən günü həmin  kilsəni ziyarət edəcək  hər katolikin bütün günahlarının bağışlanacağını elan edib. Kilsənin zəminində mozaika, divarlarda isə freskalar var. Antakya'nın 2 km. şimal-şərqində yerləşən kilsə qayalara oyularaq 13 metr dərinliyində, 9.5 metr genişliyində və 7 metr yüksəkliyində bir mağaradan ibarətdir. Xristian sözünün ilk dəfə istifadə edildiyi kilsənin içindəki qayalardan damlayan su yüzlərlə ildir şəfalı olaraq qəbul edilir. Həmin su vaftiz suyu adlanır və qayalardan sızan su hovuza toplanır.

1872-ci il zəlzələsində böyük ziyan görən kilsə, 1900-cü ildə bərpa edilib. Üç salonu olan kilsənin üç kraliyet qapısı mövcuddur. Qərbdə qadınlara aid iki qat və qərb , şimal və cənub qapıları var. İçindəki İsa heykəli 1934-cü ildə qoyulub. Kilsənin yan tərəfində isə iki dənə qaya üzərinə oyulması  yarımçıq qalmış heykəlləri görünür. Bu yarı heykəllər şeytan qayası adlanır.